VLORË- Një peshkarexhë është mbytur në Vlorë në orët e para të mëngjesit të sotëm pak milje larg ishullit të Sazanit. Sipas burimeve për Report Tv, peshkatarët kishin dalë prej tre ditësh për peshkim me mjetin e tyre, i cili kishte pësuar avari me pompën e ujit dhe ishte mbytur në orët e para të mëngjesit. "Vasili LN" ishte mjeti me të cilin po lundronin peshkatarët.<br /><br />Në momentet e fundit, katër peshkatarët e identifikuar si: Mihal Naçi, 54 vjeç; Kristo Kosta,65 vjeç; Mateo Jakupi, 19 vjeç; dhe Emiljano Nebiu, 20 vjeç, çuan sinjalin SOS tek autoritetet detare për rrezikun që iu kanosjes.<br /><br />Menjëherë pas sinjalit, Rojes Bregdetare dhe Delta Force dolën në det ku edhe kërkuan për të humburit por pasi nuk i gjetën pas kontrolleve, autoritetet detare u kthyen në bazë pa anëtarët e ekuipazhit.<br /><br />Katër anëtarët e ekuipazhit, u shpëtuan nga një traget i linjës Brindisi-Vlorë pasi i pikasi në det, ku kishin mbi katër orë që qëndronin në kamerdare, trageti ndaloi dhe i mori në bordin e tij.<br /><br />"Dëgjuam të bërtitura dhe ndaluam."-mësohet se kanë thënë anëtarët në bordin e tragetit.<br /><br />Siç shihet edhe në fotot e siguruara nga Shqiptarja.com, peshkatarët shpëtohen dhe hipin një e nga një në këtë traget.
