Subscribe në Ora News këtu http://bit.ly/1s5j7UT<br />Numri i lartë i fituesve ndër vite, por dhe miti që qytetet juglindore nxjerrin më shumë fitues e ka kthyer këtë qendër interneti në Pogradec gati në një vend pelegrinazhi për një pjesë të aplikuesve të Lotarisë Amerikane.<br /><br />"Është si fat thonë po aplikove këtu", tha një qytetar.<br /><br />Që prej nisjes së lotarisë, qindra qytetarë janë dyndur në juglindje vetëm për këtë qëllim. Kryesisht nga Tirana, por nuk mungojnë as ata nga qytetet e largëta, si Kukesi, Saranda.<br /><br />"Kanë dëgjuar mik pas miku që ne këtu jemi shumë të suksesshëm dhe duan të provojnë të gjithë", tha pronari i qendrës së interentit.<br /><br />Ata janë kryesisht të rinj të cilët duan të largohen nga Shqipëria.<br /><br />Shkak është papunësia dhe mundësia për një jetë më të mirë në SHBA.<br /><br />"Për një jetë më të mirë, duke qenë se vendi nuk ofron shumë mundësi", tha banori.<br /><br />Pronari i qendrës së internetit thekson se cdo vit numri i aplikantëve rritet.<br /><br />Ndërsa për numrin e lartë të fituesve, e lidh vetëm me korrektësinë në plotësimin e formularit, ku vëmendje e vecantë i kushtohet fotografisë.<br /><br />"Sekreti i të gjithë aplikimit është korrektësia", tha pronari i qendrës.<br /><br />Aplikimet për llotarinë amerikane kanë nisur prej muajit tetor ndërsa përmbyllen në datën 6 të këtij muaji. Ndërsa emrat fitues shpallen në maj të vitit të ardhshëm.<br /><br />Vitin e kaluar shqipëria vendosi një rekord mes vendeve europiane me 367 mijë aplikime.<br />Për më shumë lexoni në: <br />http://www.oranews.tv/article/nga-kukesi-e-saranda-ne-pogradec-lotarine-amerikane
