Subscribe në Ora News këtu http://bit.ly/1s5j7UT<br />Me miratimin e axhendës në Asamblenë Kombëtare të shtatorit, Partia Socialiste tashmë ka filluar të mendojë dhe të organizohet për zgjedhjet lokale të vitit 2019.<br /><br />Situata aktuale politike me akuza penale të opozitës ndaj përfaqësuesve të saj, nuk po i shqetëson socialistët për të menduar sesi të fitojnë të vetëm 61 bashkitë në të gjithë territorin e vendit.<br /><br />Arben Pëllumbi: Kjo situatë aktuale mua më rezulton se ndikon shumë pak në strukturën tonë politike në bazë.<br /><br />Arben Pëllumbi është sekretari më i ri i strukturës socialiste, i cili ka marrë përsipër organizimin e kësaj force politike, dhe është i bindur se fitorja në zgejdhje vjen vetëm nga organzimi i duhur dhe shndërrimi i forcës politike në një lëvizje pranë halleve të qytetarëve.<br /><br />Arben Pëllumbi: Fitorja nuk vjen as nga punësimet, nuk vjen as nga investimet, nuk vjen as nga blerja e votës. Fitorja vjen nga organizimi dhe nga fryma.<br /><br />Organizimi dhe fryma në terren vjen nga hapja e partisë ndaj njerëzve të rinj me potencial. Kjo është porosia që Pëllumbi u lë organizatës socialiste të zonës së tij në Pezë.<br /><br />Arben Pëllumbi: Anëtarësimet e reja janë çelës, janë një nga çelësat e rëndësishëm të fitores në zgjedhjet që na vijnë.<br /><br />Një nga ndryshimet që Partia Socialiste do të bëjë në organzimin e saj, është të kopjojë modelin e partisë qëndrore në çdo bashki. Edhe në organizatat e rretheve do të ketë 9 sekretarë si në qendër.<br /><br />Arben Pëllumbi: Nga 7 sekretarë jemi bërë 9 sekretarë. Këtë sekretariat që kemi aktualisht në qendër, do ta transmetojmë në 61 organizatat socialiste në rang bashkish. Kalimi nga koordinatorë në sekretarë është një peshë më e madhe.<br /><br />I gjithë rezultati i këtij organzimi të ri, do të ketë një qëllim, identifikimin e njerëzve për të kandiduar si kryetarë bashkish, por edhe si këshilltarë bashkiakë, të cilët mund edhe të mos jenë tani pjesë e Partisë Socialiste.<br /><br />Arben Pëllumbi: Pretendojmë që shumica e kandidatëve për këshilltarë bashkiakë të dalin nga strukturat tona për arsyen se janë njerëz të cilët kanë marrë përsipër të harxhojnë nga koha e tyre për komunitetin, por nga krahu tjetër jemi të hapur edhe për njerëz të cilët spikasin, për njerëz të cilët kanë një vlerë në komunitet. <br /><br />Nëse për këshilltarët bashkiakë vëmendja nuk ka qenë kaq e lartë në zgjedhjet e kaluara, për zgjedhjet e ardhshme ata do të jenë thelbësorë për Partinë Socialiste, duke qenë se gjasat për aleanca politike janë të pakta dhe vota e tyre në këshill është vendimtare për qeverisjen e qytetit.<br /><br />Arben Pëllumbi: E dimë të gjithë se si ka funksionuar kjo pjesë deri dje. Ne i kemi kushtuar rëndësi zgjedhjes së kryetarit të bashkisë duke menduar fitoren, dhe nga krahu tjetër mund të kemi bërë edhe qoka me këshilltarët bashkiakë.<br /><br />Megjithatë, për Arben Pëllumbin, edhe në rast se do të ketë aleanca politike, nuk do të ketë tolerancë për kandidatin për kryetar bashkie.<br /><br />Arben Pëllumbi:Unë besoj që 61 kryetarët e bashkisë do të jenë të Partisë Socialiste.<br />...
