FIER- Është gjetur në lumin Vjosë trupi i 59-vjeçares së paralizuar nga fshati Ferras, e cila u shpall e zhdukur tre ditë më parë. <br /><br />59-vjeçarja, Manushaqe Nexhipi, u deklarua e zhdukur nga familjarët e saj tre ditë më parë. Sipas tyre, dyshohet se gruaja është vetëhedhur nga ura në lumin Vjosë që kalon në fshat.<br /><br />Denoncimin për zhdukjes e saj e ka bërë vetë bashkëshorti, i cili ka njoftuar fillimisht policinë, por nga ky njoftim ka shkuar në shtëpi vetëm inspektori i zonës.<br /><br />Vetëm dy ditë më vonë në Ferras kanë shkuar 3 polumbarë të forcave RENEA, të cilët kanë nisur kërkimet për trupin e saj.<br /><br />Manushaqe Nexhipi, nënë e dy fëmijëve ishte e paralizuar dhe lëvizte nga shtëpia vetëm me ndihmën e një karroce.<br /><br />Njoftimi i plotë i policisë:<br /><br />Fier<br />Informacion paraprak<br /><br />Në datë 05.11.2018, rreth orës 11:30, në fshatin Ferras, anës lumit Vjosë, është gjetur pa jetë shtetasja M.N, 59 vjeçe, e cila është larguar nga banesa në datë 02.11.2018.<br /><br />Nga kqyrja paraprake e kufomës nuk janë konstatuar shënja dhune.<br /><br />Grupi hetimore po punon për dokumentimin ligjor dhe sqarimin e rrethanave të kësaj ngjarje.
