Subscribe në Ora News këtu http://bit.ly/1s5j7UT<br />Kjo është shtëpia e familjes Zeneli në fshatin Grabjan të Lushnjes, në të cilën strehohen 4 persona.<br /><br />Varfëria flet në çdo kënd, mure të çara ku depërton drita dhe i ftohti, suva e plasaritur dhe tavane gati për të rënë.<br /><br />Në një qoshe të dhomës, pema e Vitit të Ri duket se është lënë për të krijuar pak shpresë te familjarët dhe për t?i shtuar sado pak ngjyra e gëzim varfërisë që mbizotëron.<br /><br />Dramaticitetit të familjes Zeneli i shtohet dhe gjendja shëndetësore e kryefamiljares Jolanda, e cila për shkak të diabetit, ka humbur një këmbë dhe një dorë.<br /><br />Jolanda Zeneli: "Jam operuar në të njëjtën këmbë dy herë. Kam dorën sakate. Vuaj nga zemra dhe tensioni."<br /><br />E shtrirë në shtrat tregon ndër lot vuajtjet dhe kërkon nga shteti veç një strehë për familjen e saj.<br /><br />Jolanda Zeneli: "I kërkoj shtetit një ndihmë për një strehë."<br /><br />Në ndihmë të prindërve vajza Anifeja sakrifikoi martesën për ti qëndruar pranë nënës së saj.<br /><br />Anife Zeneli: "Isha e martuar. Kur u sëmur nëna ai nuk më linte ta takoja."<br /><br />Kryefamiljari Hasani dhe djali i shtëpisë Ervisi janë të papunë. I vetmi burim të ardhurash për këtë familje është kempi i Jolandës prej 100 mijë lekësh.<br />Për më shumë lexoni në: <br />http://www.oranews.tv/article/varferi-ekstreme-ndertesa-e-rrenuar-strehe-kater-anetaret-e-familjes-zeneli
