GJIROKASTËR- Ditën e sotme në fshatin Bularat të Gjirokastrës do të zhvillohet ceremonia e varrimit të ekstremistit grek të vrarë pas një shkëmbimi zjarri me forcat RENEA, Konstandinos Kaçifas.<br /><br />35-vjeçari do të varroset rreth orës 13:00 i veshur me rroba ushtarake, ndërsa në varrimin e tij, pritet të marrin pjesë rreth 2 mijë grekë që do të vijnë në Bularat për të nderuar figurën e Kaçifas. Mesha para varrimit të tij do të mbahet nga peshkopi i Gjirokastrës në kishën e fshatit, ndërsa bashkia e Dropullit ka shprehur dëshirën që të paguajë shpenzimet e ceremonisë. <br /><br /> Në Bularat, nacionalistët grekë janë mbledhur në qendër të fshatit ku edhe kanë kënduar himnin kombëtar grek dhe atë të Vorio Epirit. <br /><br />Përveç thirrjeve nacionaliste, grekët mbanin edhe parrulla të shënuara sipër disa flamunjve ku shkruhej: "Maqedonia është Greqi" dhe "Konstandin ti jeton, na udhëheq dhe na prin."<br /><br />Varrimi i ekstremistit grek pritet të mbahet ditën e sotme në orën 13:00 dhe do të paraprihet nga një meshe e mbajtur nga peshkopi i Gjirokastrës.
