Subscribe në Ora News këtu http://bit.ly/1s5j7UT<br />Shqipëria dhe Kosova do të kenë një bashkëpunim më të ngushtë në menaxhimin e ujërave. Për këtë çështje ministrat Damian Gjiknuri dhe Valdrin Lluka nënshkruan një marrëveshje ku shprehet angazhimi për të shkëmbyer përvojën e tyre me synim mirëmenaxhimin e burimeve njerëzore.<br /><br />Gjiknuri: Që të administrojmë siç duhet ujin duhet të kemi njerëz profesionistë e që dinë të menaxhojnë këtë pasuri kaq të rëndësishme. Ne në Shqipëri kemi filluar një reformë të rëndësishme përsa i përket mirëmenaxhimit të sektorit të ujit të pijshëm. Rezultatet e para kanë qenë të mira. Është rritur arkëtimi me 17 milion euro më shumë se vitin e kaluar për të njëjtën periudhë. Janë reduktuar ekspozimet e ndërmarrjeve të ujësjellës-kanalizimeve ndaj Operatorit të Shpërndarjes së Energjisë.<br /><br />Ministri i Zhvillimit Ekonomik të Kosovës Valdrin Lluka vuri theksin tek nevoja për rritjen e bashkëpunimit mes dy vendeve dhe shkëmbimin e eksperiencave pozitive në menaxhimin e sektorit të ujësjellës-kanalizimeve.<br /><br />Lluka: Kemi nevojë edhe ne në Kosovë për praktikat më të mira që ofron Shqipëria, sidomos nga disa praktika me menaxhimin e ujërave të zeza. Prandaj, le të jetë kjo edhe një metodë e shkëmbimit të këtyre praktikave që mund ti aplikojmë në vendet tona në mënyrë që bashkarisht ti menaxhojmë ujërat sa më mirë. <br /><br />Gjatë këtij viti në Shqipëri janë instaluar 74 mijë matësa dhe 37 mijë kontrata të reja.<br />Për më shumë lexoni në: <br />http://oranews.tv/article/shqiperi-kosove-kordinim-miremenaxhim-te-ujesjellesave
