I pranishëm në Bularat është edhe kreu i Partisë Bashkimi për të Drejtat e Njeriut, Vangjeli Dule.<br /><br />Për mediat shqiptare që ndodhen në fshat ai dha një prononcim të shkurtër ku edhe bëri thirrje për zbardhjen e plotë të ngjarjes.<br /><br />Jemi në momente të varrimit dhe si pasojë këto momente janë të shenjta. Jemi për të ndarë dhimbjen me familjrët e Kaçifas. Kemi vendosmërinë që e vërteta duhet të ndriçohet deri në fund. Zbardhja e kësaj çështjeje është me rëndësi jetike.<br /><br />Vangjel Dule, kreu i PBDNJ<br />Partia e deputetit Dule përfaqëson të drejtat e minoritetit grek në Shqipëri.<br /><br />Përveç Dules, në Bularat ndodhet ish-ministri i Punës dhe Çështjeve Sociale, Spiro Ksesa dhe deputeti i LSI-së, Vangjel Tavo. Tavo edhe më herët ka vizituar shtëpinë e Kaçifas i shoqëruar nga eurodeputetja Eleni Theocharous.
