Subscribe në Ora News këtu http://bit.ly/1s5j7UT<br />Ambasada amerikane përmes një deklarate për shtyp shpreh gadishmërinë të vijojë punën me partnerët shqiptarë në luftën kundër krimit të organizuar dhe korrupsionit në Shqipëri<br /><br />"Një Ministri e Brendshme plotësisht funksionale është një element kyç për të siguruar vazhdimësinë e këtyre përpjekjeve dhe rezultateve të deritanishme" nënvizohet në deklaratën e kësaj ambasade e cila vjen dy ditë pasi Sandër Lleshi u emërua në postin e zv/ ministrit me kompetencat e ministrit të Brendshëm, pas dorëheqjes së Fatmir Xhafës. Ndërkohë presidenti Meta ende nuk ka firmosur dekretin e tij.<br /><br />Deklarata e plote e ambasades amerikane<br /><br />"Përgjatë muajve të fundit, jemi inkurajuar nga përparimi që kemi parë në luftën kundër krimit të organizuar dhe korrupsionit në Shqipëri ? rezultat i drejtpërdrejtë i punës së bërë nga autoritetet shqiptare, veçanërisht oficerëve të policisë dhe prokurorëve, të cilët luftojnë për drejtësi të vërtetë për të gjithë shqiptarët.<br /><br />Ka ende punë për të bërë dhe presim që këto përpjekje jo vetëm të vazhdojnë, por edhe të shtohen.<br /><br />Një Ministri e Brendshme plotësisht funksionale është një element kyç për të siguruar vazhdimësinë e këtyre përpjekjeve dhe rezultateve të deritanishme.<br /><br />Qeveria e SHBA qëndron e gatshme për të punuar me partnerët tanë shqiptarë. <br /> Ne do të ofrojmë asistencë kudo që të jetë e mundur për të ndihmuar mposhtjen e krimit të organizuar e korrupsionit, për të vazhduar përparimin e reformës në drejtësi, dhe për të siguruar sundimin e ligjit për popullin shqiptar.<br />Për më shumë lexoni në: <br />http://www.oranews.tv/article/ambasada-amerikane-deklarate-duhet-nje-ministri-e-brendshme-plotesisht-funksionale
