Subscribe në Ora News këtu http://bit.ly/1s5j7UT<br /><br />Mesditën e sotme, në fshatin Bularat të Gjirokastrës u zhvillua ceremonia mortore për ekstremistin grek, Kostandin Kaçifas që më 28 tetor qëlloi mbi forcat RENEA.<br /><br />Me veshje ushtarake dhe i mbuluar me flamur grek, arkivoli i Kostandinos Kaçifas doli nga banesa rreth orës 13:15 minuta.<br /><br />Qindra qytetarë nga Greqia u mblodhën për t'i dhënë lamtumirën e fundit ekstremistit grek, 12 ditë pas shkëmbimit të zjarrit me forcat RENEA, ku 35 vjeçari mbeti i vrarë. <br /><br />Kortezhi udhëhiqej nga një flamur i madh grek, ndërsa thirrja e qytetarëve grek ishte "Kaçifas ti jeton, na udhëhiq".<br /><br />Nuk munguan as ofendimet dhe sharjet ndaj shqiptarëve "qentë shqiptarë"<br /><br />Parullat e tjera të tyre ishin: "Vorio Epiri është Greqi dhe Maqedonia është Greqi".<br /><br />Thirrjet herë pas here ndërpriteshin nga këmbanat e kishës.<br /><br />Pas ceremonisë në kishën e fshatit, trupi i Kaçifasit mes duartrokitjeve të grekëve u përcoll për në banesën e fundit.<br /><br />Nuk pati prezencë të forcave të policisë.<br /><br />Ceremonia u ndoq me interes të madh nga mediat greke dhe shqiptare, ku këto të fundit u diskriminuan dhe u ofenduan. <br /><br />Për më shumë lexoni në: http://www.oranews.tv/article/sot-lamturmira-kacifasin-dy-autobuse-nga-athine-mberrijne-ne-bularat
