Subscribe në Ora News këtu http://bit.ly/1s5j7UT<br /><br />Varrimi i 35-vjeçarit, Kostandinos Kaçifas, që u vra me 28 tetor pasi sulmoi me armë forcat speciale RENEA në Bularat u shndërrua në një manifestim ekstremistësh grek dhe thirrjesh antishqiptare.<br /><br />Ceremonia u shoqërua me provokime të hapura, me thirrje dhe simbole: "Gjaku na thërret, të djegim shqiptarin".<br /><br />"Qentë shqiptarë", apo "Bularati është Greqi", ishin disa nga thirrjet, madje gazetarët shqiptarë që po raportonin ceremoninë janë fyer.<br /><br />Ekstremistët shpalosën një flamur të madh grek mbi të cilin ishte shkruar se "Vorio Epiri është Greqi dhe Maqedonia është Greqi".<br /><br />Pjesëmarrësit kishin në duar flamuj grekë dhe banderola me fotografinë e 35-vjeçarit Kaçifas që u varros i veshur me rroba ushtarake.<br /><br />Thirrjet "Kaçifas jeton, ti na drejton" shoqëruan të gjithë ceremoninë.<br /><br />Në krye të kortezhit ishte ekstremisti i njohur Karathanos dhe eurodeputetja qipriote Eleni Theocharous, e njohur po ashtu për qëndrimet anti-shqiptare.<br /><br />I pranishëm ishte edhe deputeti i Demokracisë së Re në Greqi, Savas Anastadhiasi.<br /><br />Ekstremistët erdhën në Bularat herët në mëngjes nga Kakavija, ku policia me shërbim të përforcuar i kontrolloi imtësisht.<br /><br />Mbi 25 ekstremistë të Agimit të Artë tentuan të futen me autobus në pikën doganore të Kakavijës, por u ndaluan prej policisë.<br /><br />Tre ekstremistë u shoqëruan dhe u proceduan për nxitje të urrejtjes mes kombeve dhe feve. <br /><br />Për më shumë lexoni në: http://www.oranews.tv/article/sot-lamturmira-kacifasin-dy-autobuse-nga-athine-mberrijne-ne-bularat
