Subscribe në Ora News këtu http://bit.ly/1s5j7UT<br />Përballimi i fatkeqësive natyrore nga bashkitë është një mision thuajse i pamundur për shkak të fondeve të pakta që qeveria alokon në drejtim të tyre. Kjo problematikë që pas reformës territoriale është bërë më e ndjeshme, pasi është rritur territori i administrimit, por jo paratë që i adresohen përmbytjeve apo zjarreve. Numri dy i bashkisë Shkoder dha këtë përgjigje në formë reagimi ndaj ministres Olta Xhaçka që kritikoi bashkitë për formën e menaxhimit të emergjencave.<br /><br />Arben Gjuraj: "Fonde të pamjaftueshme ka dërguar që në hapat e parë, le të themi, pas reformës territoriale për të mbuluar të gjitha kompetencat e reja që u ka dërguar qeverisjeve vendore"<br /><br />Shmangia e përmbytjeve bëhet vetëm përmes investimeve konkrete si argjinatura, kanale kulluese etj. Për numrin dy të bashkisë Shkoder qeveria në këtë drejtim është treguar dorështërnguar.<br /><br />Arben Gjuraj: "Qeveria duhet ta dijë mirë se janë të gjitha përgjegjësitë e saj, qoftë edhe kompetencat që ka dërguar, sepse i ka dhënë ato kompetenca me premtimin se do të të mbështes."<br /><br />Por përmbytjet nuk janë një fenomen vetëm shqiptar por rajonal. Edhe Kosova përballet me të tilla shqetesime thonë zyrtarë të shtetit atje.<br /><br />Shpend Agaj: "Janë mbi 150 mijë banorë të rrezikuar dhe mbi 25 mijë hektarë tokë."<br /><br />Deklaratat u bënë gjatë mbajtjes së punimeve të një konference rajonale dy ditore mbi masat antipërmbytje që bëri bashkë ekspertë dhe zyrtarë nga Shqipëria, Mali i Zi, Kosova dhe Maqedonia.<br />Për më shumë lexoni në: <br />http://www.oranews.tv/article/permbytjet-ne-shkoder-bashkia-qeveria-eshte-treguar-doreshternguar
