പെട്രോള്‍ വേണ്ട ഈ ബൈക്കിന്, കുറച്ചു വെള്ളം മതി<br /><br />വെള്ളത്തില്‍നിന്ന് ഹൈഡ്രജന്‍ ഇന്ധനത്തിലേക്ക് മാറ്റിയാണ് പരീക്ഷണം<br /><br />പെട്രോളിനു പകരം വെള്ളമൊഴിച്ചു ബൈക്ക് ഓടിക്കാമെന്നു പറയുകയാണ് ആകാശ് മാത്യു, പി.എസ്.വൈശാഖ് എന്നീ കൊമേഴ്‌സ് വിദ്യാര്‍ഥികള്‍.<br /><br />കണ്ണൂര്‍ ജില്ലാ ശാസ്‌ത്രോത്സവത്തിന്റെ വേദിയിലാണ് ഇവർ വെള്ളത്തിൽ ഓടുന്ന ബൈക്ക് അവതരിപ്പിച്ചത്. മേളയുടെ ആദ്യദിനത്തിൽ എല്ലാവരെയും ആകര്‍ഷിച്ചു ഇവര്‍. ഒരുലിറ്റര്‍ വെള്ളം ഉപയോഗിച്ച് 30 കിലോമീറ്റര്‍ ദൂരംവരെ ബൈക്ക് ഓടിക്കാമെന്ന് വിദ്യാര്‍ഥികളും ഇവരുടെ അധ്യാപകനായ വി.ജെ.സിജോയും പറയുന്നു.<br />തേര്‍ത്തല്ലി മേരിഗിരി എച്ച്.എസ്.എസ്. വിദ്യാര്‍ഥികളുടെ കണ്ടുപിടിത്തത്തിന് മേളയില്‍ നിറഞ്ഞ കൈയടി. വെള്ളത്തില്‍നിന്ന് ഹൈഡ്രജന്‍ ഇന്ധനത്തിലേക്ക് മാറ്റിയാണ് പരീക്ഷണം. സംവിധാനം ഒരുക്കാന്‍ ചെലവായ തുക 1500-ല്‍ താഴെയും.
