Amaneti i tij u përmbush. 69 vjet pas vdekjes, eshtrat e shkrimtarit, politikanit, diplomatit, albanologut Mid?hat Frashëri do të prehen në tokën shqiptare.<br /><br />Arkëmorti i figurës më të keqkuptuar të historisë që prej 3 Tetorit 1949 kur vdiq në një hotel të Neë York, prehej në SHBA, mbërriti mëngjesin e këtij mesnëntori në aeroportin e Rinasit.<br /><br />Për 3 orë, kushdo që e vlerësoi njeriun që drejtoi Kongresin e Manastirit dhe ideoi dhe drejtoi Partinë e Ballit Kombëtar, kreu homazhe ne Akademinë e Shkencave.<br /><br />Djali i Abdyl Frashërit dhe nipi i Sami dhe Naim Frashërit, do të prehet pranë varreve të 3 frashëllinjve të tjerë në parkun e Liqenit Artificial.<br /><br />Aurel Plasari dhe Edi Rama renditën në fjalimet e tyre gjithë krijimtarinë dhe pasurinë artistike, politike e intelektuale që i la Mid?hat Frashëri i njohur ndryshe dhe si Lumo Skëndo, këtij vendi. Ndërsa u ndalën dhe tek debati që ka ndezur rivarrimi i tij në Shqipëri.<br /><br />Ish-Kryeministri pas homazheve nderon figurën e Frashërit si njeriun që historinë nuk e ka pasur në anën e vetë.<br /><br />"Ai sot vjen e pushon nën qiellin dhe në tokën e atdheut të tij, i nderuar nga mbarë shqiptarët, kurse ata që urdhëruan eliminimin e tij fizik, kanë përfunduar në koshin e plehrave të historisë. Eshte fjala direkt për Enver Hoxhën. Nderim të madh këtij burri të shquar të kombit tonë".<br /><br />Edhe kryetari i demokratëve ka ndarë vlerësimin e tij për Frashërin.<br /><br />"Është një nga ditët e rralla që qëndrojmë përpara një aktmorti me një sens krenarie. Kënaqësi që eshtrat e këtij burri të madh, patrioti të rrallë që ka bërë kaq shumë për Shqipërinë, do të prehen sipas amanetit të tij. Dua të falenderoj të gjitha ata që e bënë këtë të mundur. Një shembull që duhet të ndiqet edhe nga shumë të tjerë".<br /><br />Kërkesa për kthimin eshtrave të Mid?hat Frashërit në Shqipëri erdhi një vit më parë nga fondacioni Lumo Skëndo dhe profesor Uran Butka.<br /><br />Tv Klan
