Fisi Ferracaku në Shkodër numëron një tjetër viktimë. Dy muaj e gjysëm pas vrasjes së Arjan Ferracakut, persona të paidentifikuar ekzekutuan me armë kushëririn e dytë të tij, Fatos Ferracaku.<br /><br />40-vjeçari ishte në shoqërinë e kunatit të tij në lagjen Rus, kur dy persona që lëviznin me një motorçikletë u afruan të maskuar pranë tyre.<br /><br />Dëshmitarë në vendngjarje thanë se një nga atentatorët zbriti nga motori dhe qëlloi fillimisht Ferracakun në kokë, ndërsa Fatmir Mehaj që ndërhyri mori një plumb në në këmbë.<br /><br />Sipas policisë, Ferracaku u qëllua me 8 plumba. Ai mbeti fillimisht i plagosur, por më pas ndërroi jetë në spitalin e Shkodrës.<br /><br />Në polici janë shoqëruar disa persona që dyshohet se kanë parë lëvizjet e autorëve dhe mund të japin të dhëna të vlefshme për identitetin e tyre.<br /><br />Atentati ndodhi në markatën e qytetit të Shkodrës në një orar të mbipopulluar nga qytetarët. Pak minuta pas ngjarjes, në lagjen ?Guerrile? u gjet i djegur edhe një motor që dyshohet se u përdoror nga atentatorët. Po kështu hetuesit kanë sekuestruar edhe 8 gëzhoja në vendin e ngjarjes, por jo armën e krimit.<br /><br />40-vjeçari është kushëri i afërt me biznesmenin Arjan Ferracaku, që mbeti i vrarë në një tjetër atentat mafioz më 1 Shtator. Policia ende nuk ka mundur të identifikojë autorët e vrasjes së 30-vjeçarit Ferracaku që u ekzekutua me breshëri automatiku teksa po shëtiste me kalë pranë hidrovorit në lagjen Dobraç.
