Pas fëmijëve 0-18 vjeç, fishat e diabetit do të jenë falas edhe për studentët?.<br /><br />Lajmin e mirë e dha me rastin e Ditës Botërore të Diabetit, Ministrja e Shëndetësisë dhe Mbrojtjes Sociale, e cila mori pjesë në një aktivitet ndërgjegjësues të zhvilluar këtë të enjte, në Tiranë ku tha se studentët do të përfitojnë fisha falas.<br /><br />Gjatë fjalës së saj, ministrja Manastirliu, tha se kjo fashë i shtohet fëmijëve deri në moshën 18 vjeç të cilët aktualisht i përfitojnë fishat e diabetit falas.<br /><br /> Me buxhetin e vitit 2019 do të mundësojmë që edhe për studentët, pra të gjithë personat me diabet deri në 23 vjeç, fishat e diabetit të jenë falas, duke bërë një tjetër hap drejt lehtësimit të personave me diabet dhe familjeve të tyre. <br /><br />Ogerta Manastirliu, Ministrja e Shëndetësisë dhe Mbrojtjes Sociale<br />Në lidhje me masat për parandalimin e diabetit, ministrja Manastirliu theksoi rëndësinë e ndërgjegjësimit të qytetarëve për kryerjen e kontrolleve periodike.<br /><br />Rezultatet e deritanishme të Kontrollit mjekësor bazë tregojnë se 9.3% e personave 35-70 vjeç që kanë kryer check-up janë me nivel glicemie mbi normën, një shifër shumë e lartë që tregon për rëndësinë që ka kontrolli periodik, për të parandaluar pasojat e diabetit.<br /><br />Ogerta Manastirliu, Ministrja e Shëndetësisë dhe Mbrojtjes Sociale<br />Duke u ndalur te trajtimi i diabetit, Manastirliu theksoi se Qeveria ka garantuar trajtimin 72 mijë personave me diabet, me një financim prej mbi 16 milion dollarë në vit vetëm për rimbursimin e barnave për diabetikët. Personat me diabet përfitojnë falas 36 lloje barna që përbëjnë terapinë e plotë për këtë sëmundje.
