Ish-lojtari e kapiteni i kombëtares shqiptare të futbollit, Igli Tare që aktualisht është drejtor sportiv i ekipit të Lazios në kampionatin italian të futbollit, së bashku me vëllanë Genti Tare dyshohet se fshihen pas kompanisë ?TOP BAST? në Shqipëri. Kompania në Tiranë është në emrin e Ermal Bajramit, i cili rezulton se ka 100% të aksioneve, dhe ne se pronarët e vërtetë sipas prokurorise antimafia dyshohet se janë vëllezërit Tare. Megithate mbi ata drejtesia italiane nuk ka ngritur asnje akuze.<br /><br />Dyshimet dalin pas zbulimit te një materiali nga antimafia italiane mbi një organizatë ndërkombëtare të specializuar në lojërat e fatit dhe basteve, e cila pas një hetimi të gjatë të Guardia di Financa u finalizua dje me arrestimin e 68 personave (mes tyre edhe disa bosa mafioze) në disa qytete italiane dhe sekuestrimin e 1 mld eurove, ndërsa del edhe emri i Shqipërisë. <br /><br />Por çfarë lidhje kanë vëllezërit Tare me këtë histori? <br />Mes 68 të arrestuarve në Itali jane edhe Fabrizio Gerolla dhe Francesco Martiradonna, ky i fundit pjesë e një klani mafioz në Bari i cili ka tentuar në vitin 2015 që të blejë kompaninë ?Top Bast? të vëllezërve Tare. Martiradonna kishte planifikuar një takim me Genti Taren në Bari në 8 janar 2015.<br /><br />Sipas antimafias italiane ?Kontaktet e para regjistrohen me avokatin Mirko Daidone, të cilit Fabrizio Gerolla i drejtohet duke i kërkuar informacione mbi një shoqeri bastesh të drejtuar nga vëllëzerit Tare, me 400 pika në të gjithë Shqipërinë, e interesuar për t?u përhapur nën emrin BET 1128. Shoqeria shqiptare, për të cilën është i interesuar Gerolla, është Top Bast. Rezulton që Top Bast ka një kapital prej 22 milionë lekë, e ndarë në 22000 kuota me vlerë normale 1000 lekë secila, në zotërim të Ermal Bajramit. Ne fakt rezulton - shkruan prokuoria italiane - qe shoqëria është në pronesi e vëllezërve Genti dhe Igli Tare, respektivisht konsull i Shqipërisë në Turqi dhe drejtor sportiv i Lazios. Ky fakt vërtetohet nga një email të datës 20 nëntor 2014 me të cilat Fabrizio Gerolla tregon Francesco Martiradonna që është i kontaktuar nga Genti Tare me të cilin duhet të takohej, por që para takimit duhet të hartonin planin e transaksionit: Idea ishte që kompania Bet 1128 (prona e Martiradonna) duhet të regjistronte një degë në Shqipëri, Martiradonna duhet të blinte 50% e aksioneve të Top Bast dhe ndërkohe disa nga pikat e basteve të Top Bast do kalonin nën një brand të ri me emrin e Bet 1128?.
