Subscribe në Ora News këtu http://bit.ly/1s5j7UT<br />Shqipëria vazhdon të mbështesë dialogun Kosovë-Serbi. Nga foltorja e Kuvendit, presidenti Ilir Meta, deklaroi se Shqipëria mund të merret si një model unikal në botë për tolerancë fetare.<br /><br />Sipas Kreut të Shtetit, Ballkani Perëndimor, ka një sfidë të përbashkët dhe ky është integrimi në Bashkimin Europian, duke mbyllur kështu plagët dhe inatet e së kaluarës.<br /><br />Meta: Shqipëria ka një meritë të pamohueshme historike në ruajtjen, kultivimin dhe promovimin e vlerave më sublime të tolerancës dhe të paqes.<br /><br />Ne jemi një vend model dhe unikal në botë për tolerancën, harmoninë dhe bashkëjetesën fetare në mënyrë të veçantë. Është e vështirë të gjendet një vend në botë, ku pjesëtarët e së njëjtës familje mund t?u përkasin besimeve të ndryshme, ku xhamia dhe kisha ndahen nga një rrugë e vetme, dhe ku komshinjtë myslimanë dhe të krishterë urojnë dhe festojnë së bashku Bajramin dhe Krishlindjet.<br /><br />Historikisht, edhe pse Shqipëria ka vuajtur nga luftrat e padrejta, nga pushtimet e pamëshirshme apo regjimet, gjithmonë ka gjetur forcën për të kultivuar, për të përqafuar paqen apo për të demonstruar tolerancë.<br /><br />Në Ballkanin e zanafillës së Luftës së Parë Botërore dhe konflikteve të përgjakura të viteve 90-të, Shqipëria dhe shqiptarët kanë kontribuar si rrallë kush me vetmohim për paqen, stabilitetin dhe prosperitetin e të gjithë rajonit.<br /><br />Sfida e përbashkët e Ballkanit Perëndimor është ajo e integrimit të plotë në BE, e cila na dikton të gjithëve që ?me përvojat e së kaluarës të shohim drejt së ardhmes? në mënyrë që të evitojmë pasojat e së shkuarës.<br /><br />Ne e dimë më mirë se kushdo, se paqja është më e vështirë për t?u fituar e për t?u ruajtur se sa lufta.<br /><br />Ne shpresojmë dhe punojmë shumë që edhe Ballkani të përparojë drejt një epokë të re, të prespektivës europiane, pa konflikte dhe pa çështje të hapura.<br /><br />Shqipëria është një kontribuese e palodhur për paqen dhe bashkëpunimin dhe për politikën e fqinjësisë së mirë në rajonin tonë.<br /><br />Shqipëria luan rolin e saj konstruktiv në nxitjen e normalizimit të marrëdhënieve mes Kosovës dhe Serbisë.<br /><br />Sepse ne besojmë se arritja e një marrëveshje të qëndrueshme, e cila kërkon mbylljen e të gjitha ?plagëve të vjetra? do të garantonte një perspektivë europiane jo vetëm për Serbinë dhe Kosovën, por do të forconte të gjithë perspektivën europiane të rajonit tonë.<br /><br />Nga ana tjetër, ne inkurajojmë zhvillimet pozitive që do të çojnë drejt zbatimit të ?Marrëveshjes për Emrin? mes Greqisë dhe Maqedonisë.<br /><br />Finalizmi me sukses i këtyre dy marrëveshjeve është një garanci mjaft e fortë për paqen dhe stabilitetin e rajonit tonë, por dhe të vetë Europës.<br /><br />E ardhmja në paqe, në tolerancë dhe në bashkëpunim në rajonin tonë, qëndron në mësimin se të gjitha kombet tona në këtë rajon, në çdo shtet, janë diku shumicë dhe pakicë.<br /><br />Dhe e vetmja rrugë për një bashkëjetesë të qëndrueshme e të përhershme, është përdorimi i standardeve të njëjta të respektimit të minoriteteve nga të gjithë ne.<br />Për më shumë lex...
