Policia ka goditur një grup që merrej me shit-blerje të lëndëve narkotike në Vlorë dhe Tiranë, ndërsa ka sekuestruar 50 kilogramë lëndë narkotike kanabis "çokollatë" me vlerë rreth 100 mijë euro dhe ka arrestuar 5 persona.<br /><br />Të arrestuarit janë;<br />Sokol Bushi 23 vjeç, banues në fshatin Llakatund, Vlorë.<br />Arben Metaj 47 vjeç, banues në Vlorë.<br />Martin Bushi banues në fshatin Llakatund, Vlorë.<br />Edi Tafa 22 vjeç, banues në Kamëz, Tiranë.<br />Renaldo Gecaj 46 vjeç, banues në Paskuqan, Tiranë.<br /><br />Operacioni ka nisur në Vlorë nga ku ka rezultuar se Arben Metaj dhe Martin e Sokol Bushi kishin siguruar një sasi lënde narkotike të presuar në formë çokollate dhe do ta transportonin me një automjeti tip kamionçinë drejt Tiranës.<br /><br />Pas informacioneve në rrugë operative ka filluar ndjekja nga Vlora në drejtim të Tiranës me qëllim kapjen dhe të personave që do blinin lëndën narkotike.
