Subscribe në Ora News këtu http://bit.ly/1s5j7UT<br />Presidenti i Republikës Ilir Meta dekretoi të premten në mbrëmje (16 nentor) Sandër Lleshajn ministër të Brendshëm. <br /><br />Dekretimi është bërë në limitet e fundit të afatit kohor, duke hedhur firmën e tij 3 orë para përfundimit të afatit.<br /><br />Arsyeja pse nuk e dekretoi heren e pare<br /><br />Kreu i shtetit shpjegoi në një intervistë për Zona e Lirë se statusi i ushtarakut të Sandër Lleshajt ishte arsyeja kushtetuese që e detyronte atë mos firmoste dekretin.<br /><br />Ai tha se se nëse propozimin për lirimin si gjeneral të Sandër Lleshajt do t'ia kishin çuar që në fillim, dekretimi do të ishte bërë që herën e parë.<br /><br />"Dje kam gjetur shkresën zyrtare që bente propozimin për lirimin si gjeneral nga ministria e Mbrojtjes. Nëse do ma kishin sjellë që heren e parë do e kisha bërë. Dekretimi pa lirimin si gjeneral do të ishte shkelje e hapur kushtetuese. Për mua kjo ishte arsye kushtetuese", u shpreh kreu i shtetit.<br /><br />Dy jave debate<br /><br />Vendimi për dekretim erdhi pas më shumë se dy javësh debate mes dy institucioneve, Kryeministrisë dhe Presidencës. Kjo ishte hera e dytë që emri i Sandër Lleshajt qëndronte në tavolinën e Metës për dekretim, pasi herën e parë e refuzoi. Dekretimi i Sandër Lleshajt u paralajmërua edhe mesditën e sotme, pasi Presidenti pranoi dorëheqjen e gjeneral Sandër Lleshit si ushtarak aktiv.<br /><br />Pas kësaj procedurë, Sandër Lleshaj do të bëjë betimin në Parlament.<br /><br />Sandër Lleshaj u propozua ministër i brendshëm nga kryeministri Edi Rama në datën 27 tetor, pas dorëheqjes së papritur të Fatmir Xhafajt nga ky post. <br /><br />Pas mosdekretimit nga ana e Presidentit, kryeministri Rama e emëroi Sandër Lleshajn zv/ministër, por me kompetencat e ministrit. <br /><br />Tani zyrtarisht, Sandër Lleshaj do të mbajë postin e ministrit të Brendshëm.<br />Për më shumë lexoni në: <br />http://www.oranews.tv/article/presidenti-meta-dekreton-sander-lleshajn-minister-te-brendshem
