Subscribe në Ora News këtu http://bit.ly/1s5j7UT<br />Moti i keq dhe bllokimi i një aksi rrugor në Greqi ka detyruar palën greke në doganën e Kapshticës të mbyllin qarkullimin për kalimin e autobusëve dhe të mjeteve të tonazhit të rëndë.<br /><br />Në një njoftim për mediat, policia kufitare e Kapshtices thotë se do të lejohen të kalojnë në territorin grek vetëm autoveturat, por edhe ato me zinxhir.<br /><br />"Njoftohemi nga pala greke në Pikën e Kalimit Kufitar Kapshticë, se për shkak të motit të keq si dhe bllokimit të një aksi rrugor në territorin Grek, nuk do të lejojet kalimi dhe qarkullimi i mjeteve të trasportit autobusë dhe mjeteve të tonazhit të rëndë kamionë, në drejtim të Greqisë, deri në normalizimin e situatës në këtë aks rrugor. Do lejohet kalimi i autoveturave por vetëm me zinxhirë", thuhet në njoftim.<br /><br />Po ashtu Policia Kufitare, apelon të gjithë drejtuesit e mjeteve që kanë planifikuar lëvizjen për në shtetin grek nëpërmjet pikës kufitare Kapshticë, ta anullojnë ose të përdorin pikat e tjera të kalimit kufitar me Greqinë, deri në normalizimin e situatës për shkak të motit të keq.<br /><br />Bora sjell gëzim e probleme, në Dardhë vërshojnë turistët, por bllokohet rruga<br /><br />Në qarkun e Korçës si pasojë e reshjeve u shfaqën problematikat e para.<br /><br />Në Dardhë, ku trashësia ka arritur deri në 40 centimetra, dëbora është një ftesë për turistët që këtë fundjavë janë të shumtë.<br /><br />Por jo të gjithë po arrijnë në fshatin turistik.<br /><br />Një grup studentësh nga Elbasani mbeti në mes të rrugës, pasi autobusi me të cilin udhëtonin nuk ishte i përgatitur.<br /><br />Veç rrugës së Dardhës, vështirësi ka edhe në segmentet Korçë-Voskopojë dhe Korçë-Kapshticë.<br /><br />Ndaj Autoriteti Rrugor Shqiptar dhe Policia Rrugore u bëjnë thirrje drejtuesve të mjeteve të përdorin zinxhirët dhe të tregojnë kujdes maksimal<br /><br />Problemet e para janë shfaqur edhe në zonat e thella të qarkut të Elbasanit, kryesisht në Gramsh ku janë regjistruar reshje intensive<br /><br />Në Rovje të Gramshit trashësia e dëborës po arrin deri në 30 cm dhe janë shfaqur probleme në qarkullimin në rrugë.<br /><br />Rruga Elbasan-Qafë-Thanë nuk ka asnjë problem me qarkullimin.<br /><br />Ndërsa në Librazhd reshje janë regjistruar në fshatrat e thellë malore në kufi me qarkun e Dibrës, ku reshjet nisën që të shtunën.<br /><br />Reshjet e dëborës kanë sjellë edhe problemet e para të furnizimit me energji elektrike.<br /><br />Ndërkohë moti i keq është reflektuar edhe në det, ku për pasojë është pezulluar puna në portin e Sarandës.<br />Për më shumë lexoni në: <br />http://www.oranews.tv/article/bora-bllokon-rrugen-pala-greke-ne-kapshtice-ndalon-levizjen-e-autobuseve
