Subscribe në Ora News këtu http://bit.ly/1s5j7UT<br />Një atentat me tritol i është bërë Drejtorit të Hekurudhës Shqiptare, Ani Dyrmishi. Ngjarja ka ndodhur në lagjen 4 të qytetit të Durrësit ku ai banon, pranë stacionit të Trenit dhe mësohet se makina ishte e parkuar.<br /><br />Mësohet se lënda plasëse ishte artizanale e llojit tritol me telekomandë dhe ishte vendosur poshtë sediljes.<br /><br />Dyrmishi dhe delegacioni i tij sot kishte planifikuar një vizitë zyrtare në Greqi, ku do të takohej me strukturat e hekurudhës greke.<br /><br />I kontaktuar nga gazetari i Ora News, zoti Dyrmishi tha se nuk ka asnjë konflikt, por gjithçka dyshon se ka ndodhur për shkak të detyrës.<br /><br />Fatmirësisht, Dyrmishi ka pikasur lëndën plasëse para se të hipte në makinë, duke shmangur pasojat.<br /><br />Policia dhe grupi hetimor kanë sekuestruar kamerat e sigurisë të bizneseve përreth për të hedhur dritë mbi zbardhjen e ngjarjes.<br /><br />Vetë Dryshmiri është thirrur në policinë e Durrësit për të dhënë deklaratën e tij nëse ka dyshime në lidhje me ngjarjen.<br /><br />Nuk dihen ende autorët dhe shkaqet e vendosjes së tritolit, por policia po punon për zbardhjen e ngjarjes.<br /><br />Dyrmishi mban postin e drejtorit të Hekurudhave prej rreth një viti. Më herët ai ka mbajtur postin e Drejtorit të Hipotekës.<br />Për më shumë lexoni në: <br />http://oranews.tv/article/durres-eksploziv-makines-se-drejtorit-te-hekurudhave
