Subscribe në Ora News këtu http://bit.ly/1s5j7UT<br />Drejtori i Hekurudhës Shqiptare, Ani Dyrmishi mori një mesazh direkt kërcënues me një bombë artizanale e imituar që ishte vendosur poshtë makinës së tij, pranë banesës në Durrës. Vetë zyrtari tha se nuk ka konflikte personale, ndaj hetimet i drejtoi tek pista për shkak të detyrës. Policia po heton për të zbuluar autorët.<br /><br />Një shishe e lidhur me një celular, në formën e një bombe artizanale, por që rezultoi se ishte imitim u përdor për ti dërguar një mesazh kërcënues drejtorit të Hekurudhës Shqiptare, Ani Dyrmishi.<br /><br />Pakoja e dyshimtë ishte vendosur gjatë natës poshtë makinës së zyrtarit në Lagjen Numër 4 në Durrës, dhe u zbulua në mëngjes, ndërsa drejtori i Hekurudhës ishte nisur me makinën e tij për një takim zyrtar në Greqi.<br /><br />Ai nuk e ka pikasur pakon, por kanë qenë fqinjët që e kanë njoftuar se në vendin ku kishte qene e parkuar kjo makinë, kishin gjetur objektin e dyshimte dhe kishin dhënë alarmin.<br /><br />Ndërsa Dyrmishi rikthehej pranë banesës, Policia kishte krijuar një perimetër sigurie në zonë në pritje të ekspertëve të xhenios nga Tirana.<br /><br />Këta të fundit çaktivizuan instrumentin artizanal, ndërsa nga ekspertiza rezultoi se ishte imitim i një bombe artizanale.<br /><br />Ekspertët e morën pakon e dyshimtë për të gjetur gjurmë të autorit në mekanizëm apo mbi bazë të celularit, që sipas burimeve kishte bateri të vendosur, por brenda tij nuk kishte kartë SIM.<br /><br />Policia e Durrësit pavarësisht se alarmi rezultoi fals nisi një hetim për kërcënim ndaj kreun të Hekurudhave që më herët ka mbajtur edhe postin e Hipotekës së Durrësit.<br /><br />Vetë Dyrmishi, i kontaktuar, tha se nuk ka konflikte personale me askënd, dhe dyshon se kërcënimi i ka ardhur për shkak të detyrës.<br /><br />Ai tha për Ora News se nuk është kërcënuar me herët në asnjë formë, dhe as këtë herë nuk ka ide kush mund të fshihet pas ngjarjes.<br /><br />Sipas ekspertizës, pakoja ishte vendosur në gomën e parë, poshte sediljes së shoferit dhe në rast se do të ishte e vërtete do të shkaktonte pasoja.<br /><br />Në funksion të hetimit, policia e Durrësit sekuestroi pamjet e kamerave të sigurisë së bizneseve për të rënë në gjurmë të autorit.<br />Për më shumë lexoni në: <br />http://oranews.tv/article/durres-eksploziv-makines-se-drejtorit-te-hekurudhave
