Moratoriumi nuk e ka frenuar prerjen e paligjshme të pyjeve në qarkun e Lezhës. Në shumë zona persona të papërgjegjshëm vijojnë të dëmtojnë pyjet, duke sfiduar autoritetet për Mbrojtjen e Pyjeve. Problematika pranohet edhe nga Inspektoriati Shtetëror i Mjedisit dhe Pyjeve. Përgjegjësi i Sektorit të Policisë Pyjore, Aleks Dodaj thotë se ka raste të prerjes së paligjshme të pyjeve, por duke justifikuar kundravajtësit ai thotë se drutë e prera nuk janë në sasi të mëdha. Ai shton se nuk kanë munguar masat ndëshkimore madje edhe ndaj inspektorëve të bashkive.<br /><br />Pas vendosjes së moratoriumit nuk ka patur shfrytëzim të madh të fondit pyjor. Janë marrë masa për inspektorët e bashkisë për mosnjoftim të dëmeve të shkaktuara, por edhe ndaj personave që kanë kryer prerje të paligjshme.<br /><br />Aleks Dodaj, përgjegjës i Sektorit të Policisë Pyjore Lezhë<br />Dodaj thotë se në çdo rast konstastimi të prerjes së paligjshme të pyjeve është bashkëpunuar me Policinë e Shtetit.<br /><br />Kur është parë e arsyeshme është vendosur gjobë.<br /><br />Aleks Dodaj, përgjegjës i Sektorit të Policisë Pyjore Lezhë<br />Dëmtimi i pyjeve është më prezent në stinën e dimrit, pasi shumë qytetarë e sigurojnë ngrohjen përmes druve të zjarrit që merren në sipërfaqet pyjore.
