Subscribe në Ora News këtu http://bit.ly/1s5j7UT<br /><br />Pas problematikave të shfaqura kryesisht gjatë mbrëmjes së të dielës, të gjitha akset nacionale të vendit janë të hapura dhe qarkullohen normalisht. Pas 20 orëve bllokim, lëvizja normale për mjetet e tonazhit të rëndë. Problematika ndërkohë ka vetëm në rrugën e Dardhës ku dëbora arrin deri mbi 80 cm.<br /><br />Pas rreth 20 orësh bllokim, lëvizja në pikën kufitare të Kapshticës në Korcë iu rikthye normalitetit.<br /><br />Autobusët e pasagjerëve dhe mjetet e tonazhit të rëndë nisën të qarkullojnë mes dy vendeve, pasi më herët, pala greke kishte ndaluar lëvizjen si pasojë e reshjeve të dendura të dëborës.<br /><br />Qarkullimi u pezullua pasditen e së dielës, por në atë kohë disa kishin mbërritur në doganë, ndërsa të tjerë nuk e morën në kohë informacionin.<br /><br />Në këtë situatë, ata u detyruan ta kalojnë natën në kufi.<br /><br />Ndërsa kompanitë e udhëtimeve ishin treguar më të kujdesshëm. Autobuset me pasagjerë mbërritën vetëm pas mëngjesit dhe shmangën radhët.<br /><br />Për të përballuar fluksin, pala shqiptare hapi 8 sportele, ndërsa ajo greke tre të tillë.<br /><br />ARRSH njoftoi se të gjitha rrugët nacionale në vend janë të kalueshme pa proleme, por paralajmëruan për kujdes në qarkullim në mëngjes dhe orët e mbrëmjes.<br /><br />Për më shumë lexoni në: http://oranews.tv/article/rruga-ne-greqi-ende-e-bllokuar-nga-bora-kamione-dhe-autobuse-presin-ne-kapshtice
