TIRANË- Partia Demokratike ka mbledhur ditën e sotme kryesinë e partisë dhe grupin parlamentar.<br /><br />Burime për Report Tv bëjnë me dije se gjatë mbledhjes së grupit, pika e parë që është diskutuar në grup lidhej me aktivitetin e së seancës së enjte parlamentare për buxhetin e 2019.<br /><br />Ndërkohë që në Kuvend pritet që të diskurtohet ligji për buxhetin e vitit 2019, PD-ja ka thirrur në biznesmenë dhe ekonomisë për ta diskutuar buxhetin e ri me ta.<br /><br />Çështje të tjera të diskutuara në mbledhjen e grupit janë: mbështetja e protestës së banorëve tek Unaza e Re; përfundimi i zgjedhjeve brenda partisë, ku Basha kërkoi që procesi i zgjedhjes së kryetarëve të degëve të përfundojë brenda dy javëve të ardhshme për t'i paraprirë mbledhjes së Kuvendit kombëtar më 15 dhjetor.<br /><br />Ne duhet të vazhdojmë të diktojmë axhendën politike të vendit, ashtu siç kemi bërë deri më tani. <br /><br />Lulzim Basha, kreu i PD-së<br />Mësohet se menjëherë pas mbledhjes së Kuvendit kombëtar të PD-së do të nisë edhe ngritja e shtabeve elektorale duke hedhur poshtë dyshimet se opozita do të bojkotonte zgjedhjet.<br /><br />Një pikë tjetër e diskutuar gjatë mbledhjes është edhe informimi për misionin e Komisionit të Venecias, opinion i të cilëve mbi Vettingun e politikanëve pritet që të dalë pas dy javësh.
