Durrësi u përmbyt sërish nga reshjet e shiut. Rruga paralel me shëtitoren ?Taulantia? kishte këtë pamje në orët e mbrëmjes.<br /><br />E njëjta panoramë edhe në aksin pranë Velierës.<br /><br />Uji vërshoi në rrugët kryesore duke krijuar probleme në qarkullim.<br /><br />Gjatë paradites kapiteneria e porit të Durrësit pezulloi lundrimet e anijeve të peshkimit, por tragetet vijuan normalisht itinerarin edhe gjatë orëve të mbrëmjes.<br /><br />Dalja në det nga porti i Vlorës mbeti e bllokuar edhe gjatë orëve të mbrëmjes. Trageti Brindisi-Vlorë u ankorua me vështirësi mëngjesin e së martës, si pasojë e dallgëve të forta.<br /><br />Sinoptikanët thonë se orët në vijim do të jenë të vështira përsa i takon jugut të vendit.<br /><br />Moti do të përmirësohet vetëm pas mesjavës, por sërish reshjet e shiut do të jenë prezent deri ne fund të Nëntorit.
