TIRANË-Prej dy ditësh tashmë, zona pranë stadiumit ?Qemal Stafa? kanë rënë 'pre' e ndërprerjeve të shpeshta të energjisë elektrike.<br /><br />Në lidhje me këtë situatë, banorët e zonës ankohen se po iu digjen elektro-shtëpiaket. Ata gjithashtu kanë bërë thirrje që OSHEE duhet të marrë përsipër dëmshpërblimin për dëmet e shkaktuara nga ndërprerjet e vazhdueshme të energjisë elektrike, që rezultojnë të ndodhin mbi 2-3 herë brenda një ore.<br /><br />Shqiptarja.com ka kontaktuar për këtë shqetësim të qytetarëve me zyrat e OSHEE-së, nga ku janë shprehur: "Në tërësi mund të themi se defektet kanë ndodhur për shkak të kushteve aspak të mira të kabinave private, të cilat kanë për detyrë t?i mirëmbajnë vet pajisjet."<br /><br />OSHEE arkëton nga shqiptarët dhjetëra milionë euro më shumë nga sa është e autorizuar nga ERE, e megjithatë, nuk ka arritur që garantojë për banorët e qytetit shërbim pa ndërprerje. <br /><br />Në mars të këtij viti, zyra e statistikave të Bashkimit Europian bëri përditësimin e të dhënave të saj mbi koston e energjisë elektrike për konsumatorët familjarë dhe jofamiljarë në shtetet anëtare të BE-së si dhe disa shtete kandidate ose fqinje. Shqipëria rezultoi një nga vendet me çmimin më të lartë të energjisë elektrike në rajonin e Ballkanit në kuotën 9 cent të euros për kWh, përfshirë taksat. Sipas stastikave të BE-së, çmimi në Shqipëri është ndjeshëm më i lartë se sa në Maqedoni (8 cent), Serbi (7 cent) apo Kosovë (7 cent).
