Kjo punonjëse e policisë u plagos kur një prej kapsollave që protestuesit e Unazës së Re hodhën në drejtim të forcave të rendit para parlamentit, i shpërtheu në dorë. <br /><br />Ajo humbi dy gishtat e vegjël të të dyja duarve dhe gishtin e madh të dorës së majtë, siç tregohet edhe në këtë foto të siguruar nga Televizioni Klan.<br /><br />Protesta degjeneroi në dhunë pak kohë pas grumbullimit të banorëve para parlamentit, teksa në sallë diskutohej buxheti i vitit 2019.<br /><br />Disa herë protestuesit u përleshën me policinë duke tentuar të çajnë me forcë gardhin e krijuar prej tyre.<br /><br />12 punonjës të policisë mbetën të plagosur, dy në gjendje më të rëndë. Efektivët e lënduar u dërguan me autoambulancë në spitalin e traumës në kryeqytet. Të plagosur mbetën edhe 3 protestues.<br /><br />Banorët u mbështetën edhe nga deputetët të partisë demokratike.<br /><br />Policia njoftoi se 11 protestues u arrestuan të akuzuar për plagosje të rëndë me dashje, goditje për shkak të detyrës, protestë të paligjshme dhe prishje të rendit.<br /><br />Njëri prej protestuesve u ndalua në ambientet e Spitalit të Traumës.
