Subscribe në Ora News këtu http://bit.ly/1s5j7UT<br /><br />Rikthehen atentatet me tritol në Vlorë. Një makinë tip ?Benz? me targa AA703 është hedhur në erë nga një sasi e konsiderueshme eksplozivi.<br /><br />Ngjarja ka ndodhur rreth orës 16:35 të pasdites së sotme në dalje të rrugës Transballkanike, ndërsa mjeti ka qenë në lëvizje.<br /><br />Në automjet ndodhej drejtuesi, shtetasi Agron Alushaj 48 vjeç, i cili ka mbetur i plagosur rëndë.<br /><br />Alushaj ndodhet në sallën e operacionit në spitalin e Vlorës dhe mësohet se ka humbur gjymtyrët. Sipas bluzave të bardha, gjendja shëndetësore e tij është tejet e rëndë.<br /><br />Në momentin e shpërthimit, Alushaj sapo kishte dalë nga lavazhi në pronësi të karburantit nga ku po largohej automjeti.<br /><br />Policia e mbërritur në vendngjarje ka nisur hetimet për identifikimin e autorit/ëve të shpërthimit të mjetit.<br /><br />Agron Alushaj mësohet se merrej me biznes ndërtimi dhe ishte pronar i një guroreje në Drashovic.<br /><br />Po kështu Alushaj është dhe i vëllai i ish-drejtores së Hipotekës së Vlorës, Loreta Alushaj Tozaj.<br /><br />Për më shumë lexoni në: http://www.oranews.tv/article/hidhet-ne-ere-makina-ne-vlore-drejtuesi-humb-gjymtyret
