Numri i personave që u arrestuan për shkak se protestuan në mënyrë të dhunshme përballë parlamentit paraditen e së enjtes, pritet të rritet. Veç 11 të prangosurve, policia ka identifikuar persona të tjerë që sulmuan me kapsolla e sende të rënda uniformat blu, të angazhuar me ruajtjen e sigurisë. Mes tyre ndodhet edhe personi që hodhi kapsollën në drejtim të efektives Ina Nuka, që mbeti e plagosur rëndë. <br />Të gjithë të implikuarit pritet të shoqërohen në polici dhe të përballen me akuza penale të ndryshme, veçanërisht ata për të cilët do të ketë prova se plagosën 15 punonjësit e policisë. Në Spitalin e Traumës po marrin ende mjekim tre efektivë. <br />Policja 24-vjeçare Ina Nuka ka pësuar dëmtimet më të rënda. Ajo ka humbur tërësisht njërin gisht dhe rrezikon edhe dy të tjerë. Rreth orës 20:00 të mbrëmjes, 24-vjeçarja pritet të udhëtojë drejt Stambollit, ku mjekët do të kryejnë një ndërhyrje të specializuar, në përpjekje për të rikuperuar gishtat e dëmtuar. Ajo u plagos teksa hoqi nga qafa një kapsollë që iu hodh nga turma e protestuesve. <br />Gjatë protestës të së enjtes mbeten të plagosur edhe 3 protestues. Pas përfundim të protestës, ekspertët kriminalistë shkuan në vendngjarje dhe konstatuan se kapsollat që u hodhën drejt punonjësve të policisë kishin në përbërje sasi të lartë baruti. <br />Prokuroria e Tiranës ka regjistruar procedim penal ndaj 11 protestuesve për 5 vepra penale, ?Plagosja e rëndë me dashje?, ?Mbajtja pa leje dhe prodhimi i armëve shpërthyese dhe i municionit?, "Kundërshtimi i punonjësit të policisë??, ?Organizimi dhe pjesëmarrja në grumbullime të paligjshme dhe prishje e qetësisë publike?. <br />Ndërsa shërbimi për Çështjet e Brendshme dhe Ankesave pritet të verifikojë edhe veprimet e punonjësve të policisë.
