Subscribe në Ora News këtu http://bit.ly/1s5j7UT<br />Kjo urë ishte shndërruar në një rrezik serioz për banorët e fshatit Troshan në Njësinë Administrative Blinisht të Lezhës.<br /><br />Por për vite me radhë kërkesa e banorëve për ndërhyrje kishte rënë në veshin e shurdhët të institucioneve.<br /><br />Ndaj ata nisën ta rikonstruktojnë urën me vetëfinancim, si një sfidë ndaj mungesës së vëmendjes.<br /><br />Banorë: "Kemi bërë ankesa kudo. Askush nuk u interesua. Kemi mbledhur vetë paratë."<br /><br />Ura që lidh një pjesë të fshatit me rrugën e fsahtit ishte ndërtuar po nga vetë banorët vite më parë, por së fundmi ishte amortizuar plotësisht dhe ndërhyrja ishte e domosdoshme<br /><br />Banorë: "Na kanë premtuar shumë herë, por nuk e kanë realizuar. E kemi bërë me djersën tonë, me bukën e kalamajve."<br /><br />Kjo urë cilësohej nga banorët e Troshanit tregues i harresës së plotë nga shteti, ndërsa tashmë ajo është kthyer në një shembull bashkimit në të mirë të komunitetit. <br />Për më shumë lexoni në: <br />http://www.oranews.tv/article/ura-bashkon-troshanin-rikonstruktohet-nga-vete-banoret
