Subscribe në Ora News këtu http://bit.ly/1s5j7UT<br />Pasi kanë qëndruar për rreth 72 orë të shoqëruar në komisariatin 11, të arrestuarit e protestës kanë dalë para gjykatës për tu caktuar masa e sigurisë. Ndryshe nga sa kërkoi prokuroria, gjykata vendosi të lirojë në masën "detyrim paraqitje" 10 prej tyre, ndërsa u vendos "arrest me burg" vetëm për një protestues. Jashtë ambienteve të gjykatës, banorët e Unazës së Re kanë vijuar protestën, duke hedhur akuza në adresë të qeverisë dhe kryeministrit Rama. <br /><br />Nën masa të forta sigurie dhe nën thirrjet jashtë seancës, ?lironi djemtë tanë?, Gjykata e Tiranës ka dhënë masat e sigurisë për 11 të arrestuarit e protestës para parlamentit të nga banorët e Unazës së Re. <br />Ndryshe nga sa kërkoi prokuroria, gjyqtari Besnik Hoxha, vendosi "arrest me burg" vetëm për një nga të arrestuarit, Dorjan Broduarin.<br /><br />Ndërsa për 10 të tjerët u vendos detyrim për tu paraqitur tre herë në muaj në Prokurorinë e Tiranës. <br />Dy prokurorët e çështjes Ndini Tavani dhe Kreshnik Ajazi i kërkuan gjykatës masën ?arrest më burg? për gjashtë nga të ndaluarit me argumentin se nga provat dhe faktet e mbledhura janë autorë të goditjes ndaj punonjësve të policisë dhe kryerje të veprimeve të tjera të dhunshme.<br /><br />Vetë të akuzuarit kërkuan lirinë më argumentin se nuk kanë kryer veprime te jashtëligjshme dhe madje nuk kanë patur qëllim të godisnin mbi forcat e rendit. <br />Një prej tyre, Lulzim Dozhani, i arrestuar se bashku me bashkëshorten kërkoi nga gjykata që të lironin të paktën njërin prej tyre, në mënyrë që të kujdesej për fëmijën 7 vjeçar. <br />Lulzim Dozhani: Na lini njërin të shkojë të marrë fëmijën se na pret si gjithë fëmijët e tjerë.<br /><br />Ndërsa avokati i një 17 vjeçari të arrestuar pretendoi se adoleshenti ishte dhunuar nga efektivët e policisë.<br /><br />Avokati: Familjarët janë jashtë. Nuk jemi lejuar, as avokatët nuk janë lejuar.<br /><br />Seanca pati interesimin e deputetëve të opozitës, të cilët në nisje të seancës patën edhe një konfrontim me forcat e rendit. <br />Vendimi i gjykatës nuk i kënaqi protestuesit edhe deputetët e opozitës, të cilët vijuan të hedhin akuza jashtë ambienteve të gjykatës në adresë të kryeministrit Rama. <br />Klevis Balliu: Një mënyrë hamarrëse e drejtëpërdrejtë e Edi Ramës, i cili njësoj si babai i tij shpirtëror tregon urrejtjen ndaj familjes Protoduari. <br />Po sot gjykata dha masën e sigurisë "burg me afat 30 ditor" për 50 vjeçarin Iljaz Katira që tentoi të godiste me këpucë Kryeministrin në ambientet e spitalit të Traumës, ndërsa 18 vjeçari Daniel Dobraj, i cili dyshohet se është autori që hodhi kapsolle ndaj polices, Ina Nuku, do të dalë të hënën para gjykatës.<br />Për më shumë lexoni në: <br />http://oranews.tv/article/nis-seanca-te-arrestuarit-e-protestes-banori-thirrje-policeve-para-gjykates
