Subscribe në Ora News këtu http://bit.ly/1s5j7UT<br />Paolo. A.,17 vjeç, është një prej banorëve të Astirit që sot u lirua nga gjykata pasi ishte ndaluar në polici për dhunën në protestë para Kuvendit.<br /><br />Teksa doli sërish këtë pasdite në protestë, për mbrojtjen e banesës së tij, ai tregoi para mediave se është dhunuar fizikisht dhe psikoligjikisht nga uniformat blu.<br /><br />Siç tregon ai, i mituri është mbajtur nën presion jo vetëm për të hequr dorë nga protesta, por i është kërkuar të identifikojë dhe banorë të tjerë protestues.<br /><br />Paolo: Ka pasur dhunë fizike dhe psikologjike nga policia. Më morën veç, nxirrnin telefonin dhe foto, më thoshin e njeh këtë, e njeh atë.Jo i thoja. Më gjuanin me shpulla nga qafa dhe faqja.Kam qenë rrugës duke ardhur për shtëpi kur më kanë kapur. Nuk kanë ushtruar dhunë gjatë shoqërimit, thjesht u komunikova që jam 17 vjeç. Tek Drejtoria e policisë pastaj ka qenë komplet gjë tjetër. <br /><br />Dhunë, futeshin 10 veta. Bënin sikur do më vrisnin. Një person ka qenë që më ka goditur para kamerave dhe kanë qenë dy persona që më kanë goditur tek zyrat e veta. Më kanë goditur në nofull në momentin para kamerave, dhe me shpulla në qafë dhe faqe tek zyrat. Ja thashë dhe avokatit. Një oficer dilte dhe u thoshte lëreni se na prish punë se është i vogël.<br /><br />Shefi i opozitës, Lulzim Basha, që së bashku me deputetë të tjerë ishin edhe sonte në mbështetje të protestës, tregoi se të shoqëruarit nuk kanë pranuar dhunën para Avokatit të Popullit nga frika.<br /><br />Basha: Ne ndërhymë, i kërkuam Avokatit të Popullit të hetonte rastin. Si Paolo, ashtu dhe të shoqëruarit e tjerë nuk kanë guxuar të pranojnë para Avokatit të Popullit dhunën.Shikoni si e përdor frikën Edi Rama dhe disa banditë të tij në polici.Kanë rrahur një 17 vjeçar, imagjinoni çfarë ka ndodhur me të tjerët.<br /><br />Të njëjtën gjë konfirmoi dhe Paolo.<br /><br />Paolo: Ka ardhur Avokati i Popullit te qelia dhe më ka pyetur, isha në një lloj presioni për 12 orë duken u dridhur sa nuk pata guxim ti thoja që më kanë goditur.Psikologu ka qenë tek komisariati numër 1 dhe ka ardhur një tjetër dhe tek Drejtoria e Përgjithshme e policisë.Ka qenë thuajse inekzistent. Policin që më ka dhunuar e mbaj mend, e kam pasur 2 orë para syve.Po ta shoh, prapë e njoh.<br /><br />Më thoshin ti je cub, do e paguash. Do dënohesh më e pakta 10 vjet burg.Bëjë provë dhe dil prapë. Ditën që jam dhunuar kam pasur të skuqura dhe një shenjë të nxirë në nofull.Nuk ka pasur njeri ti shohë.<br /><br />Kreu i PD-së ftoi median të hetojë mbi dhunën e ushtruar ndaj banorëve të Astirit në polici, por edhe mbi atë që quan projekti i vjedhjes me Unazën e Re.<br /><br />Një paralajmërim pati edhe për të gjithë policët që kanë ushtruar dhunë.<br />Për më shumë lexoni në: <br />http://www.oranews.tv/article/astiri-ne-proteste-17-vjecari-tregon-dhune-ne-polici-me-gjuajten-ne-nofull-dhe-shpulla-faqes
