Subscribe në Ora News këtu http://bit.ly/1s5j7UT<br />Gjuetarët e paligjshëm nuk po kursejnë as speciet e rralla të faunës shqiptare, edhe pse në fuqi është një moratorium me masa të ashpra.Një pelikan kaçurrel u gjet i vrarë me armë pranë lagunës së Nartës, një prej dy shtëpive natyrore ku jeton në vendin tonë.<br /><br />Edhe pse në fuqi është një moratorium me masa të forta ligjore, gjuetia e paligjshme nuk po kursen as shpendët e rrallë në Shqipëri.<br /><br />Një pelikan kaçurrel është gjetur i vrarë me armë gjahu mëngjesin e së martës buzë lagunës së Nartës.<br /><br />Në video duket që shpendi është qëlluar me armë zjarri, ndërsa u gjet buzë një rruge pranë lagunës.<br /><br />Institucionet pëgjegjëse ende nuk kanë reaguar për rastin, i cili në fakt nuk është shembulli i vetëm i gjuetisë së paligjshme edhe nën moratorium.<br /><br />Por që nga ana tjetër duhet të shërbejë si këmbanë alarmi për mbrojtjen e species së rrallë, banor i përhershëm i lagunës së Nartës, duke e shndërruar gjithmonë e më shumë në një destinacion për turistët e natyrës.<br /><br />Pelikani kaçurrel është një prej specieve të rralla e më të bukura të Mesdheut.<br /><br />Ai zakonisht jeton në lagunën e Nartës dhe atë të Karavastasë në Divjakë, ku një rast i ngjashëm u denoncua në muajin mars.<br /><br />Në janar 2014, qeveria ndërhyri duke miratuar ndalimin total të gjuetisë në të gjithë vendin për dy vjet, por ky afat u zgjat më pas deri në vitin 2021.<br /><br />Por edhe me këtë masë ekstreme ligjore, pavarësisht ndikimit pozitiv në parandalimin e gjuetisë masive, rastet nuk kanë munguar.<br /><br />Shqipëria e konsideron shkeljen e moratoriumit të gjuetisë si kundravajtje administrative dhe e ndëshkon atë me gjobë nga 80 mijë deri një 1 milion lekë.<br />Për më shumë lexoni në: <br />http://www.oranews.tv/article/gjuetia-e-paligjshme-vret-pelikanin-kacurrel-ne-narte
