Sektori i ndërtimit vazhdon rritjen, ndërsa numri lejeve të ndërtimit të miratuara deri në fund të Shtatorit të këtij viti ka arritur në 834.<br /><br />Sipas Institutit të Statistikave, gjatë tremujorit të tretë të vitit kërkesa për leje ndërtimi ka qenë më e madhe, ndërsa numri i lejeve arriti në 343, ku pjesën më të madhe të tyre, afërsisht 1/3 e zë bashkia e Tiranës.<br /><br />Në terma vjetorë lejet e ndërtimit janë rritur me 10%, ndërsa për kryeqytetin rritja është në nivelin 38%.<br /><br />Nga 343 leje, 90 prej tyre janë për ndërtesa me një kat, ose rikonstruksione, ndërsa pjesën më të madhe të objekteve që do të ndërtohen e zënë rezidencat për banim.<br /><br />Këtë periudhë rritje ka patur edhe për interesin për të ndërtuar hotele, dhe ndërtesa tregtare e industriale.<br /><br />Në total për 9 muajt e parë të vitit pritet që të ndërtohen 824 mijë metra katrorë.
