Të gjithë banorët, objektet e të cilëve janë pa dokumente dhe preken nga projekti i unazës së madhe, mund ti mbajnë banesat sociale pa afat kohor. Në një intervistë për TV Klan, Drejtoresha e e Përgjithshme e Shërbimit Social në bashkinë e Tiranës, Anisa Ruseti tha se në këtë rast do të ndiqet një kusht përjashtues në bazë të kushteve social ekonomike të familjes.<br /><br />Anisa Ruseti, Drejtore e Përgjithshme e Shërbimit Social, Bashkia Tiranë: Në këtë rast do të shkojmë me përjashtim pasi këto janë familje që preken nga një projekt madhor sic është ajo e unazës së rë. Ashtu sic qeveria ka shkuar me një VKM përjashtuese për 3 vite bonus qeraje, pavarësisht kushteve ekonomike apo hipotekat e qytetarëve, edhe bashkia e tiarnës ka vijuar me kushte përjashtuese për të gjitha familjet që do të akomodohen në banesat sociale. Ato do e përfitojnë këtë pa afat por me miratimin e këshillit bashkiak.<br /><br />Ruseti thotë se falë një kontrate me Bashkinë e Tiranës, familjet mund ti mbajnë banesat sociale përgjithmonë.<br /><br />?Qëllimi jonë është që për ato që nuk u ndryshojnë kushtet sociale ekonomike kontrata jonë të jetë e përhershme për banesat sociale?.<br /><br />Ndërsa ata banorë që zgjedhin bonusin e qerase, përveç se mund ta marrin shtëpinë në cilën zonë e duan, pas 3 viteve mund të aplikojnë për banesa sociale apo edhe kredi të buta nga Bashkia Tiranë.<br /><br />"Do përfitojnë banesa sociale, apo edhe programe afatgjata që së bashku me qeverinë të përfitojnë këto grupe, me kredi të buta apo edhe në zona të cokatura zhvillimore".<br /><br />Deri tani 8 familje janë zhvendosur në apartamentet e banesave sociale në Shkozë, ndërsa janë mobiluar me pajiste elektroshtëpiake edhe 7 banesa të tjera për të banorët që preken nga projekti i unazës së madhe, punimet e të cilës prekin segmentin nga pallati me shigjeta drejt sheshit shqiponja.
