Subscribe në Ora News këtu http://bit.ly/1s5j7UT<br /><br />106 vjetori i Pavarësisë u prit me një atmosferë të varfër në Tiranë ku më shumë ranë në sy dekoret e festave të fundvitit sesa simbolet kombëtare. Në Tiranë munguan aktivitetit ndërsa shumë qytetarë iu përgjigjën thirrjes së kryebashkiakut për të vendosur flamuj në dritare. Në Korçë mitropoliti i qytetit apeloi të rinjtë të mos e braktisin vendin.<br /><br />Tirana e priti ditën Pavarësisë me një atmosferë të vakët festive. 28 Nëntori këtë vit u shënua përmes aktiviteteve të pakta dhe një dekori të varfër, ku dominuan më tepër dritat dhe atmosfera e parakohshme e festave të fundvitit.<br /><br />Të vetmit që i dhanë ngjyra festës ishin të vegjlit.<br /><br />Më të rriturit, të ardhur edhe nga jashtë vendit enkas për këtë ditë, thanë se prisnin më tepër ngjarje në këtë 106 vjetor të Pavarësisë.<br /><br />"Kam ardhur nga Londra. Pak e vaktë atmosfera, por shpresojmë të ngrohet pak më vonë", tha një qytetar.<br /><br />"Nuk po shohim shumë flamuj", u shpreh një tjetër qytetar.<br /><br />Në shumë prej dritareve nuk munguan flamujt e vendosur. Aliko Hoxha nuk e fsheh zhgënjimin nga politika, por ajo nuk ia ka zbehur dashurinë për vendin, të shprehur në mënyrë simbolike edhe përmes vendosjes së flamurit në banesën e tij.<br /><br />Për më shumë lexoni në: http://www.oranews.tv/article/pavaresi-e-ftohte-atmosfere-festive-e-vaket-ne-te-gjithe-vendin
