Parlamenti Europian ka votuar në seancë plenare rezolutën për Shqipërinë të raportuesit Knut Fleckenstein mbi progresin e vendit në integrimin europian për vitin 2018. Për rezolutën Fleckenstein është arritur një mbështetje me shumicë të gjerë 459 vota pro, 112 kundër dhe 62 abstenime.<br /><br />Kjo rezolutë përshëndet progresin që është bërë nga Shqipëria në kuadër të 5 prioriteteve kyçe të përcaktuar nga Komisioni Eurooian për hapjen e negociatave të anëtarësimit të vendit. Rezoluta nënvizon veçanërisht fillimin e procesit të vlerësimit të gjyqtarëve dhe prokurorëve, Vetting, duke e konsideruar si fryt të parë të domosdoshëm të zbatimit të reformës në drejtësi.<br /><br />Raporti kërkon ngritjen e institucioneve të reja të pavarura në arkitekturën e re të drejtësisë, si edhe rezultate të mëtejshme në luftën kundër krimit të organizuar dhe korrupsionit para hapjes së negociatave të qershor të 2019. Reportuesi Fleckenstein ka përfshirë gjithashtu edhe nevojën për kryerjen e reformës zgjedhore para zgjedhjeve lokale të 2019.<br /><br />"Shpresojmë që Këshilli i Ministrave do t?i mbahet fjalës së tij për hapjen e negociatave verën e ardhshme. Çdo gjë tjetër do të ishte kundraproduktive dhe do të ishte e pakuptimtë, pasi do të cënonte stabilitetin e gjithë rajonit. Refoma e drejtësisë ka filluar të japë rezultate e para, por kërkohet vijimi i saj si edhe rezultate të mëtejshme në luftën kundër krimit dhe korrupsionit. Ndër çështjet urgjente do të radhisja realizimin e reformës zgjedhore sipas rekomandimeve të OSBE/ODHIR që duhet të përfundojë para zgjedhjeve lokale të 2019", tha eurodeputeti Knut Fleckenstein.<br /><br />"Shqipëria ka bërë hapa përpara për përmbushjen e 5 prioriteteve. Këto janë sinjale pozitive, që tregojnë se vendi është në rrugën e duhur dhe ne e inkurajojmë që të vazhdojë përpjekjet. Strukturat e pavarura të sistemit të drejtësisë të parashikuara nga reforma kushtetuese duhet të finalizohen", u shpreh Karoline Edtstadlet, Sekretare e Shtetit të Austrisë.<br /><br />Parlamenti Europian, Këshilli i Ministrave dhe Komisioni Europian i kërkojnë liderëve politikë në Shqipëri që të kapërcejnë mosmarrëveshjet e brendshme dhe të bashkojnë forcat për integrimin europian.<br /><br />Tv Klan
