Koncesionet, shitja e pronës publike dhe qiratë shtetërore janë sektorët të cilët sjellin dëmin më të madh ekonomik në buxhetin e shtetit.<br /><br />Në 6 muajt e parë të vitit dëmi ekonomik që është shkaktuar nga shkeljet në këto fusha ka arritur vlerën e 21 milionë Dollarëve.<br /><br />Sipas një raporti të publikuar nga Kontrolli i Lartë i Shtetit, parregullsitë dhe shkeljet financiare në total arrijnë në 38 milionë Dollarë, duke rezultuar se më shumë se gjysma, 54% i takon abuzimeve me pronat, koncesionet dhe qiratë.<br /><br />Auditimet kanë gjetur se në shumë vlerësime të pronës publike dhe pasurisë që administrohet nga shteti mallrat dhe objektet janë shitur me çmime më të ulta nga vlera e tyre reale.<br /><br />Në fushën e koncesioneve, Fondi i Sigurimit të Detyrueshëm Shëndetësor ka rimbursuar për vlera dhe shërbime që nuk janë kryer.<br /><br />Në vitet e shkuara sektorët që dominonin dëmin ekonomik në buxhetin e shtetit kanë qenë tatimet, doganat dhe prokurimet publike, ndërsa dy vitet e fundit kjo strukturë ka ndryshuar. Vetëm në 6 muajt e parë të vitit janë kallzuar penalisht 78 zyrtarë publikë.<br /><br />Tv Klan
