Subscribe në Ora News këtu http://bit.ly/1s5j7UT<br /><br />Problemet në shëndetësi me barnat e rimbursueshme vijojnë të mbeten ekzistente. Qytetarët thonë se disa barna nuk japin efektin e plotë, teksa shtojnë se ka ilaçe që mungojnë në vend. Ndërsa mjeku, Pëllumb Pipero, tregon se skema e rimbursimit nuk është e duhura.<br /><br />Gati 7 muaj pas hyrjes në fuqi të listës së re të barnave të rimbursimit, qytetarët tregojnë se kanë probleme.<br /><br />Disa prej tyre thonë se medikamentet e rimbursuara nuk e japin efektin e duhur, ndërsa të tjera nuk janë futur në listat e rimbursimit dhe madje nuk gjenden në farmacitë në vendin tonë.<br /><br />"Jam me tension, e operuar në zemër. 15 vjet që jam me diabet. Nganjëherë më bëjnë mirë, nganjëherë jo".<br /><br />"Disa merren me rimbursim, disa jo. Të shumtat janë me lekë, vijnë nga jashtë. Të afërmit tanë na i sjellin".<br /><br />Qytetarët thonë se shpenzimet për ilaçet janë të larta.<br /><br />"200 mijë lekë ilaçe, as çereku nuk është me rimbursim.Sidomos të kockës e duam domosdo, nuk e blejmë dot".<br /><br />Ndërsa, mjeku Pëllumb Pipero tregon se skema aktuale e rimbursimit të barnave nuk është e duhura.<br /><br />Për më shumë lexoni në: http://oranews.tv/article/probleme-me-ilacet-e-rimbursuara-jo-te-gjitha-japin-efekt
