Subscribe në Ora News këtu http://bit.ly/1s5j7UT<br /><br />Edhe pse kanë kaluar disa ditë, mbledhja e qeverive të Shqipërisë dhe Kosovës vijon të diskutohet gjerësisht, ndërsa pjesë e debatit janë bërë retorika e kryeministrit Rama, lidershipi i Thaçit në dialogun me Serbinë si dhe produkti që sjellin takimet e tilla. Analistët kryesisht kanë qenë kritikë ndaj shefit të ekzekutivit Rama, duke vënë në shënjeshtër deklaratat e tij në raport me kundërshtuesit e idesë së korrigjimit të kufijve. <br />"What the fuck" do të thuhej në gjuhën e Parlamentit Europian. <br /><br />Gjuha e kryeminsitrit Rama, gjatë konferecës për mediat me homologun Haradinaj ka ngjallur zemerim mes analistëve kosovare.<br /><br />"A mund të vijë ky njeri në Kosovë pa shkaktuar skandal, pa folur me kapadaillëk, pa e polarizuar shoqërinë kosovare dhe pa manipuluar faktet e historisë më të re të Kosovës? A mund të dalë para gazetarëve pa i ofenduar e pa i etiketuar", pyet publicisti Enver Robelli. <br />Në komentin e tij, Robelli shkruan se Rama tregoi se për të më të rëndësishme janë lojërat populiste rajonale se qeverisja me duar të pastra në Shqipëri, duke u sjellë në Kosovë jo si mysafir, por si keqpërdorues i mikpritjes.<br /><br />"Me epitetin e gomarit, Rama i etiketoi të gjithë që nuk mendojnë si ai, përfshirë edhe vetë Kryeministrin e Kosovës.?<br /><br />Nga ana tjetër, më i ashpër ka qenë Mehmet Kraja, i cili e cilëson Ramën një mjeshtër të propagandës, një dizajner me biografi të manipuluar artistike, një monstër që do të hajë fëmijët e vet.<br /><br />Kraja shpreh keqardhjen që deri më sot mbledhjet e përbashkëta të dy qeverive nuk kanë prodhuar ndonjë efekt real kombëtar dhe se ky marketing i çmendur i Ramës është vetë keqqeverisja e manipuluar.<br /><br />Për më shumë lexoni në: http://oranews.tv/article/analistet-vene-ne-peshore-qendrimet-e-rames-thacit-dhe-haradinajt
