Më shumë se gjysma e bizneseve që janë kontrolluar gjatë muajit Nëntor nga ana e strukturave të hetimit tatimor janë gjetur me shkelje.<br /><br />Drejtoria e Përgjithshme e Tatimeve njofton se aksioni anti-informalitet do të vazhdojë edhe gjatë Dhjetorit, ku zonat të cilat do të vizitohen më shumë nga tatimorët do të jenë qendrat kryesore të qyteteve.<br /><br />Në total tatimet kanë vendosur 520 mijë dollarë gjoba ndaj bizneseve në 26 ditë, ku për 2928 subjekte të kontrolluara, 1500 prej tyre kanë patur probleme me ligjin.<br /><br />Mbi 100 biznese janë mbyllur pasi pjesa më e madhe e tyre kanë rezultuar të paregjistruar në organet tatimore si subjekte me TVSH.<br /><br />Tatimet thonë se shkeljet më të mëdha vërehen te lëshimi i kuponit tatimor dhe vendosja në punë e kasës fiskale, ndërsa 300 biznese janë gjetur me mall pa dokumentacion.<br /><br />Administrata e njoftoi aksionin e ri dy javë më parë. Në bazë të konstatimeve të tyre, bizneset kishin filluar sërish shmangien e taksave, çka detyroi organizimin e një aksioni të ri.<br /><br />Tv Klan
