Subscribe në Ora News këtu http://bit.ly/1s5j7UT<br /><br />Dhjetëra persona me aftësi të kufizuara u mblodhën të hënën në ditën botërore të tyre, në një protestë përpara kryeministrisë. Ata kërkuan të drejtat e tyre, mes të cilave i bënë thirrje kryeministrit që të mbajë fjalën për premtimet që iu ka dhënë si për rimbursimin e ilaçeve, pensionin apo edhe pagën për kujdestarin. Pas protestës, u pritën në një takim nga përfaqësues të kryeministrisë, ku iu premtua se së shpejti do të kishin një marrëveshje ku do të plotësohen kërkesat e tyre.<br /><br />Në ditën botërore të personave me aftësi të kufizuara, Dovleti, 31 vjeç e sheh si kohën dhe mundësinë për të kërkuar të drejtat e tij. Prej gati 20 vitesh ai gjendet në një karrige me rrota dhe gjithçka ndodhi për shkak të një aksidenti kur ishte vetëm 11 vjeç.<br /><br />"Isha duke luajtur me shokët e mi, rrëzonim shkëmbinj. Një nga shkëmbinjtë u shkëput dhe më mori mua me vete poshtë në humnerë".<br /><br />Sot, Dovleti së bashku me dhjetra persona të tjerë u mblodhën përpara kryeministrisë, në një protestë paqësore ku kërkuan disa të drejta të munguara, të cilat iu ishin premtuar më herët nga kryeministri Rama.<br /><br />"I kërkojmë kryeministrit të na rimbursojë energjinë elektrike ashtu siç e kemi pasur. Është paketa higjenike, është kujdestari. Një kujdestar sot paguhet me 100 mijë lekë".<br /><br />Në këtë protestë një kërkresë prekëse erdhi dhe nga një fëmijë 11 vjeç.<br /><br />Për më shumë lexoni në: http://oranews.tv/article/persont-me-aftesi-te-kufizuar-kerkojne-takim-me-kryeministrin
