KORÇË - Një aksident i rëndë ka ndodhur pasditen e kësaj të marte në aksin rrugor Korçë-Pogradec. Ka qenë një automjet tip ''Benz'' me drejtues shtetasin Sotir Nikolla, 63 vjeç që ka përplasur për vdekje dy persona, burrë dhe grua në fshatin Pocestë.<br /><br />Report Tv mëson se këmbësorët po ecnin në anë të rrugës kur u përplasën nga makina. Goditja ka rezultuar fatale për dy bashkëshortët. Edhe pse janë transportuar me urgjencë në drejtim të spitalit të Korçës, burrë e grua kanë humbur jetën si pasojë e plagëve të rënda. <br /><br />Mbeten të paqarta shkaqet e aksidentit, ndërkohë që policia ka shoqëruar në komisariat drejtuesin e automjetit. <br /><br />Njoftimi i policisë: <br /><br />Maliq<br />Informacion paraprak.<br /><br />Më datë 04.12.2018, në orën 17:26, jemi njoftuar se në aksin rrugor Korçë-Maliq, në afërsi të fshatit Pocestë, shtetasi S.N, 63 vjeç, duke drejtuar mjetin tip "Benz" ka aksidentuar 2 shtetas, (një burrë dhe një grua) kalimtarë në rrugë, të cilët janë trasportuar në Spitalin e Korçës ku kanë ndërruar jetë.<br /><br />Drejtuesi i mjetit, ndodhet i shoqëruar në Komisariat për veprime të mëtejshme proceduriale. Grupi hetimor po punon për zbardhjen e rrethanave të ngjarjes.
