Fëmijët shqiptarë, kryesisht ata të moshës 12-15 vjeç, janë ndër grupet kryesore të viktimave të trafikimit të fëmijëve në Europë. Të dhënat e Europol tregojnë se kjo grupmoshë po përdoret kryesisht për shpërndarje droge dhe punë të rëndomta. Vetëm Britania raporton për 900 fëmijë shqiptarë në vit që trafikohen ose kontrabandohen.<br /><br />"Raporti i Europolit është shqetësues pasi për herë të parë flet për krimin shqipfolës që lidhet me trafikimin dhe shfrytëzimin e fëmijëve, ata shfrytëzohen për shpërndarje droge, punë të zezë dhe lavazhe. Nga ana tjetër po të shikojmë vende si Britania e Madhe, ata raportojnë 600-900 fëmijë shqiptarë në vit, që shkojnë ose si fëmijë të kontabandimit ose trafikimit. Edhe raporti i Europolit dhe ato të tjera konfirmojnë që fëmijët shqiptarë dhe ato adoleshentë janë një ndër grupet kryesorë të viktimave të trafikimit të fëmijëve në Europë".<br /><br />Por çfarë bëhet me këta fëmijë të trafikuar? Shqipëria nuk ka ende shërbime për t?i asistuar dhe riintegruar.<br /><br />"Ne nuk kemi një plan kombëtar të mirëfilltë për eliminimin e të gjitha formave të shfrytëzimit të fëmijëve, sidomos trafikimit. Shërbimet tona nuk janë të përgatitura, as për të financuar nevojat specifike për riintegrimin e tyre, por edhe shërbimet janë shumë të munguara në pjesën më të madhe të Shqipërisë".<br /><br />Në raportin e Europol thuhet se një grup shqiptar që merret me trafikim e fëmijëve, e ka të programuar rrëmbimin e të vegjëlve dhe më pas dhënien e tyre për birësim të paligjshëm.<br /><br />Të dhënat nga Policia e Shtetit tregojnë se në 2017 janë proceduar 17 çifte shqiptare që kishin lënë fëmijët e tyre në Itali me qëllimin për t?i shfrytëzuar në punë të ndryshme. Ka të dhëna se mjaft familje të tjera i braktisin fëmijët në vende të ndryshme të Unionit për të përfituar azil.<br /><br />Sipas Europol, në vitin 2017 rezulton se janë trafikuar 5 mijë fëmijë në mbarë Europën, pjesa më e madhe e të cilëve, shqiptarë.
