Një çift bashkëshortësh janë aksidentuar për vdekje mbrëmjen e kësaj të marte. Aksidenti ka ndodhur në aksin Korçë- Maliq, në fshatin Pocestë.<br /><br />Sipas njoftimit të policisë shtetasi S.N, 63 vjeç, duke drejtuar mjetin tip "Benz" ka aksidentuar 2 shtetasit, S.Sh, 70 vjeç dhe shtetasja V.Sh, 63 vjeçe, banues në fshatin Voskop, Korçë.<br /><br />Ata ishin duke ecur në rrugë, në momentin kur ndodhi ngjarja. Edhe pse janë transportuar në Spitalin e Korçës, nuk mundën dot të jetonin, si pasojë e plagëve të marra.<br /><br />Drejtuesi i mjetit, ndodhet i shoqëruar në Komisariat për veprime të mëtejshme proceduriale.<br /><br />Grupi hetimor po punon për zbardhjen e rrethanave të ngjarjes.
