Studentët e universiteteve publike kanë protestuar përpara Ministrisë së Arsimit në lidhje me tarifat e shkollimit, duke mbajtur të bllokuar rrugën për afro 5 orë.<br /><br />Shkak i kësaj proteste është bërë njohja me vendimin e këshillit të ministrave ku përcaktohet se çdo provim i mbartur do të shoqërohet pagesë shtesë për kredite.<br /><br />Përgjysmimi i tarifave të shkollimit ishte kërkesa tjetër.<br /><br />Protesta nisi nga studentët e arkitekturës, por u mbështet edhe nga studentë të universiteteve të tjera dhe Lëvizja për Universitetin.<br /><br />Ministrja e Arsimit në prani të rektorëve hodhi poshtë akuzën se tarifat e studimit janë rritur ndërsa për pagesën e krediteve për provimet e mbartura ajo u dha këtë përgjigje.<br /><br />Për protestën reagoi dhe kryeministri Edi Rama në një postim në Twitter ku tha se tarifa për studentët mbetës është kërkuar nga vetë universitetet, të cilat mund të konsiderojnë rishikimin e vendimit. Të pakënaqur nga përgjigjja e qeverisë studentët kanë lajmëruar një tjetër protestë të enjten.
