Një aksident i rëndë ka ndodhur pasditen e kësaj të enjte në Vlorë, ku një makinë është përplasur me një motor dhe për pasojë ka gjetur vdekjen një person.<br /><br />Sipas policisë, ngjarja ka ndodhur në aksin Orikum-Dukat ku mësohet se drejtuesi i motorrit ka humbur kontrollin e mjetit duke u përplasur me një automjet tip "Fiat" me drejtues shtetasin V. B ku për rrjedhojë ka gjetur vdekjen drejtuesi Arsen Çela.<br /><br />Gjithashtu bëhet e ditur se nga aksidenti ka mbetur i lënduar edhe drejtuesi i automjetit shetasi me inicialet V.B. Policia dhe grupi hetimor po punojnë për zbulimin e rrethanave të aksidentit.<br /><br />Njoftimi i plotë i policisë:<br /><br />Rreth orës 17:00, në aksin rrugorë Vlorë-Orikum, pranë vendit të quajtur "Qafa e Luarit", automjeti tip "Fiat" me drejtues shtetasin V. B është përplasur me motomjetin e markës "Honda".<br /><br />Si pasojë e përplasjes ka ndërruar jetë drejtuesi i motomjetit "Honda" me gjeneralitetet A.Ç, 63 vjeç, banues në Orikum<br /><br />Grupi hetimor ndodhet në vendin e ngjarjes dhe po punon për sqarimin e rrethanave dhe shkaqeve të aksidentit.
