Jo vetëm me një skenë madhështore, ndriçim të ndërthurur bukur me notat muzikore, por mbi të gjithë me një vëmendje të veçantë tek detajet.<br /><br />Kështu 'Kënga Magjike' ka arritur të mbajë të mbërthyer spektatorë dhe telespektatorë të ekranit të Televizionit Kombëtar Klan edhe në natën e saj të dytë.<br /><br />Mbrëmja u hap me një lidhje direkte të Arditit me disa prej prezantueseve të viteve të shkuara të festivalit.<br /><br />Valbona Selimllari, Elia Zaharia, Armina Mevlani dhe Olta Gixhari, treguan eksperiencën e tyre në skenën e festivalit më të madh të muzikës moderne.<br /><br />Kënga e parë që lëshoi notat për publikun ishte ajo e Kellyt, ?Ma ka fajin zemra?.<br /><br />Teksa rrëfeu emocionet e të hapurit natën e dytë të 'Këngës Magjike', Kelly tregon gjithashtu se nuk i ka frikë klanet në votim.<br /><br />"Gjithmonë ka patur klane, por vendimi unanim i kalon klanet".<br /><br />Dedikim për motrën e tij, projekti ?Ty nuk të kam? i Xhon Jeskut i preku të gjithë, madje bëri të qajë edhe këngëtaren Manjola Nallbani.<br /><br />Për Iris Nezirin dhe Flor Nazifin suksesi qëndron në mesazhin që mbart një këngë.<br /><br />"Më e rëndësishmja është që njerëzit ta shijojnë mesazhin e këngës dhe ne të dy të dalim mirë. Personalisht unë e gjej veten shumë në balada, i kemi kënduar dashurisë dhe ja vlen t'i këndosh dashurisë".<br /><br />E nëse suksesi qëndron tek mesazhi, Robert Aliaj është një pretendent i fortë me ?Ah ku më hodhi Zoti?, një nga këngët më drithëruese të mbrëmjes.<br /><br />Gjatë u duatrokitën edhe Flori Mumajesi, Klajdi Haruni, Fifi dhe Mc Kresha, Alar Band, dueti Aurela Gaçe ? Eli Fara, Rovena Dilo dhe Onat dhe të gjithë konkurrentët e tjerë.<br /><br />Përveç se shijuan spektaklin madhështor, ashtu siç ishte premtuar pati surpriza edhe për publikun?<br /><br />Teksa këngëtarët do të votojnë për njëri-tjetrin, edhe gjatë natës së dytë juria votoi për këngëtarët e kategorisë Neë Artist, prej të cilëve, nga 13 kaluan më tej 10 prej tyre.<br /><br />Nata finale e festivalit të 'Këngës Magjike' do të mbahet këtë të shtunë, në Pallatin e Koncerteve, dhe do të transmetohet drejtpërdrejtë në Televizionin Kombëtar Klan. Në skenë do të ngjiten 20 artistë, teksa publiku mbetetet me kuriozitetin për të parë se çfarë ka rezervuar mbrëmja e madhe dhe kush do të jenë fituesit e këtij edicioni jubilar, që deri tani ka sjellë mjaft emocione e ritëm.<br /><br />Tv Klan
